...આ મહેકતો

કોરો કાગળ

જાણે-

તે જ લખેલો

અદ્રશ્ય

પ્રેમપત્ર.

 - નંદિની

બહાર થી છલોછલ
ને -
ભીતરે કોરાપણું
વિસ્તરે છે ;
એ રણ ...

વિસ્મય ની જેમ ...!

 

- નંદિની

    હું   એટલે મંદિર ની ઝાલર...

    હું  એટલે મંદિર નો ઘંટનાદ

    હું  એટલે શંખનાદ

    હું  એટલે તારો જ એક નાદ.

    - નંદિની

મન ના અરીસા પર જામી
ભૂતકાળ ની ધૂળ
ને
એણે બદલી નાખી તસ્વીર.

- નંદિની

હું એટલે ડાયરી માં સાચવેલું ગુલાબ નું ફૂલ ...!
હું એટલે ચાંદની રાત માં પારીજાત ની મહેક ...!
હું એટલે અનેક કાંટા ની વચ્ચે ઊગેલું કેક્ટસ ફ્લાવર...!

- નંદિની

હું એટલે તારા અસ્તિત્વ માં ઓતપ્રોત થયેલી એ હું જ ને..!
 - નંદિની

હું એટલે પાંખો વગર નું પંખી...!
હું એટલે ન ઉડેલી ઉડાન ...!
- નંદિની

વાર્તા નો  જુઓ
કેટલો સરસ
આવ્યો અંત કે -
પાછાં વળતી વેળા
એ- 
વાળી લીધાં મન ...!
-નંદિની

જિંદગી જીવન માં ઘણા એહસાસ કરાવે છે
પણ કોઈ દોસ્તને મળવા માટે રાહ જોવી
એ એક અલગ અંદાઝ છે જિંદગી નો.....

-

વાચા આપી ને
મુક થઇ ગયા
ને-
જિંદગી ને પ્રસંગોથી
...છલોછલ બનાવી ગયા.

- નંદિની

મિલનનો કોલ દઈને વિરહ આપી ગયા,
સંવેદના    ને-    વેદના  બનાવી     ગયા.

- નંદિની

તું દુર છે , છતાંય
      પાસે છે .
આપણી અલગતાને
         પણ
'એકાકાર' કરતો સેતુ
        એટલે
    'પ્રેમ' જ ને-

- નંદિની

બારી તો ઉઘાડી
ને -
મહેક્યો મોગરો
ને -
યાદ આવી ...
...આપણી એ મુલાકાત..!

- નંદિની

મુઠ્ઠી ખોલી ને જોયું તો હાથમાંથી રેતી પણ સરકી ગઈ.

સમય ની સાથે સાથે મિલન ની એ વેળા પણ સરકી ગઈ.

- નંદિની

અષાઢી માટીની મહેક

ને-
ફાગણીયો વાયરો
મળવા આવ્યો
આ શીતળ શિયાળામાં ...!

- નંદિની

ટન...ટન...ટન...

ટન...ટન...ટન...
વેકેશન ની મસ્તી મુકો ને
સમય આવ્યો નિશાળે જવાનો
ભાગો.... દોડો....ભાગો....દોડો...
હોર્ન વાગ્યું ગાડીનું ...
બીપ..બીપ..બીપ..
યુનિફોર્મ પહેરીને -
દફતર ને પાણીની બોટલ લઇ ને
દોડ્યું આવતીકાલનું ભવિષ્ય ....
"ગુરુ બ્રહ્મા ગુરુ વિષ્ણુ "
ને નિશાળ થઇ ચાલુ...
ટન...ટન...ટન....

- નંદિની

ચાંદ ની આડમાં
તને જોયો
ને-
લાલીમા દેખાયી
ચાંદ માં ...!
...- નંદિની

અશ્કો ...

ખુશી ને આંખો નું
સરનામું મળ્યું ને -

અશ્કો સમાઈ ગયા
દરિયામાં ....!

- નંદિની

સપનાં...

સપના ....

શું કહું હું સપનાં વિષે ... શમણાં ... ખ્વાબ ... કે એથી વિશેષ આપણી પોતિકી દુનિયા ...

જ્યાં મારા જેવા લાખો લોકો જોતા હશે ને સાકાર કરતા હશે ... અને તૂટે તો ફરીથી નવી કુંપળ ફૂટે તેમ નવા સપનાં જોવાના ને બમણા જોશ થી તેને પુરા કરવાના ...એક કવિ એ તો એમ પણ કહ્યું છે ; મારે એ સ્વપ્નાં જોઈએ છે . પણ  એ લોકો ને મારા સ્વપ્નાં જોઈએ છે  તેનું શું ? દરેક જણ ને બીજા ના સ્વપ્નાં ખુબસુરત લાગે છે. કાબરચીતરા ને અટકચાળા સપનાં ક્યારેક સાચા પડે ને ક્યારેક સોનેરી હરણ બની ને અદૃશ્ય થઇ જાય છે .સાયકલ પરથી એક્ટીવા ને પછી નાની કાર કે MERC મિજાજે મિજાજે બદલાય છે સપનાં ...

તો ક્યાંક નોકરી માં તરક્કી ને તો ક્યાંક બિઝનેસમાં ... તો વળી ક્યાંક અવ્વલ નંબરે પાસ થવાના સપનાં ... તો પોતાના પ્રિયજન નો સાથ પામવાના સપનાં ... ઇન્દ્રધનુષી સપનાં કે પછી black and white  સપનાં

પણ સપનાં તો સપનાં જ છે જે જોવા મને તો ખુબ ગમે  ને સાકાર કરવા ના પ્રત્યનો પણ એજ જુસ્સા થી કરવું ગમે ...સપનાં માં સાચું શું ને ખોટું શું એ તો મસ્ત મીઠા શમણાં છે ...રોજ રાતે આપણે જીવીએ છીએ એક અલગ દુનિયા જ્યાં બધીજ ગણતરી ઓ ખોટી પડે ને ...શરુ થાય એક સ્વપ્ન યાત્રા …દરેક ના જીવનમાં સપનાં ની એક અનેરી દુનિયા જાગ્રત હોય છે ને નિદ્રાધીન થાય ત્યારે એ દુનિયા મા સારી પડે છે.

સપનાં માં મેં જોયા શમણાં ને શમણાં થયા આપણા ખ્વાબ ...ને મળ્યો એક મનગમતો એહસાસ. ને તારો સંગ મારી પોતાની જ એક આગવી દુનિયા છલોછલ છતાં પણ બધા થી અલિપ્ત ....

સપના ને આજે પાંખો આવી
- ને મને પણ...
...હું પણ ઊડી તારી સાથે ઝંખના ની પેલે પાર....

જયારે મને મન થાય ત્યારે હું તને મારા સપનાં મા બોલાવી લઉં છું ને તારી સાથે ખુબજ વાતો કરું છું. નાજુક  ને નમણી યાદો ની સેજ સજાવી.ને -

આપણું મન એટલે એક આવનજાવન શમણાં ની.

આંખોમાં શમણાં ને 
રોજરોપું છું...ને 
- હકીકત બને તે
પહેલા શમણાં
ઊડી જાય છે ..!

-નંદિની

મારા મન પર
ને- 
બહાર આકાશમાં
છવાયેલા છે;
તારા પ્રેમ ના વાદળો ....

આંખો માંથી
વરસાદ વરસ્યો
ને -
મારા કોરાં સપનાં  બળી ગયા ...
ને -
તારી યાદો એ મને બાળી..!

- નંદિની

દિવાળી ના અંધકાર ને આપણે દીવડા ઓથી સજાવીએ છીએ ; પણ મન ના અંધકાર ને ....કેવી રીતે ...?..!

દિવાળી કામ એટલે અભરાઈ પર પડેલી યાદો ને માંજી ને ચકચકિત કરી ને પાછી મન ની અભરાઈ પર મૂકી દેવું તે જ ને ...?

બંધ મુઠ્ઠીમાંથી
રેતી સરકી જાય
તેમ સમય પણ
સરકી ગયો ...
...ને -
આજે ફરી આવી
શરદ પૂનમ ની રાત...!

- નંદિની
(૨૩.૧૦.૧૦ )

શ્વાસ

મીઠી મહેકતી પળો
આજે પણ
મારા શ્વાસ માં...
ધબકે છે ...
શું તારા
શ્વાસ માં પણ .....???

- નંદિની
(૧૮.૧૦.૧૦)

આશ ...

આજે ચાંદ માં પીળાશ
છે -
લાગે છે એને
તારી ઝલક ની
આશ છે ...

- નંદિની
(૧૫.૧૦.૧૦)

Padchhaya (પડછાયા)

એકમેક
થી
અલગ હોવા
છતાં
એકાકાર
છે;
આપણાં
પડછાયા...
- નંદિની

kanto (કાંટો)

આંસુભીનો હિસાબ
માંગ્યો તમે
ને -
ગુલાબ નો
કાંટો વાગ્યો
મને...

- નંદિની(૧૨.૧૦.૧૦ )

સવાર એટલે નવેસર થી પ્રિયજન ને સમજવાની શરૂઆત...!
- નંદિની

અતીત ના

પડઘા

પડછાયા

બની ને

જીવંત છે

મારા ઉર માં ...!

- નંદિની

સન્નાટા ના
પડઘામાં
એક તું
જ
કેમ
રહ્યો મૌન....??!!!

- નંદિની

જીવન ને પણ વર્ષો  નો  થાક  લાગે છે ,
સદીઓ ના ભાર નીચે કચડાતું લાગે છે,
જ્યાં    મનભેદ  હવે  મનમેળ  લાગે  છે .
- નંદિની

આંખોમાં
શમણાં ને
રોજ
રોપું છું...
ને -
હકીકત
બને તે
પહેલા
શમણાં
ઊડી
જાય છે ..!

- નંદિની

નદી આવી ગઈ (nadi aavi gayi)

રણ ને

પણ -

-કોડ છે

દરિયા માં

સમાઈ

જવાના ...?

- પણ

રસ્તા

વચ્ચે

નદી

આવી ગઈ .

-નંદિની

ઉજાગરાની ભનક (Ujagra ni bhanak)

આપણા
ઉજાગરાની
ભનકથી જ -
જો ને -
આ ચાંદ
પણ
રતુમડો
થઇ ગયો....
- નંદિની

પ્રેમ એટલે શું ?

પ્રેમ એટલે પ્રેમ... તેની કોઈ ઉત્તમ ભાષા હોય તો  તે છે "સ્પર્શ". હજુ પણ તાર ઓપ્રથમ સ્પર્શ મારા હૃદયના એક ખૂણા માં વસે છે. તે યાદ કરતા હું રોમાંચિત થઇ જાઉં છું. શું તે આવું ક્યારે અનુભવ્યું છે ? શું તને પણ પ્રેમમાં ગીતો ગાવાનું કે લખવાનું , સીટી વગાડવાનું , કોઈ ગીત રેડિયો પર ચાલતું હોય તો એની તાલ પર મગ્ન થઇ ને નાચવાનું મન થતું હશે ? શું ...? શું ...? શું...? આવા તો અસંખ્ય પ્રશ્નો એ મારા મનમાં વસવાટ કર્યો છે. તું મળીશ ને ત્યારે તને બધાંજ પ્રશ્નોના હું પૂછીશ; પણ તું મળે છે ત્યારે આપણી વચ્ચે એક જ ભાષા હોય છે  "મૌન" .... ને એ મૌન માં મારા તમામ પ્રશ્નો મીણબત્તી ની જેમ ઓગળી જાય છે.

- નંદિની

રહી નથી સકતી (rahi nathi sakti)

અતીત થી અલિપ્ત રહી નથી સકતી;
ને વર્તમાન માં લુપ્ત થઇ નથી સકતી.
- નંદિની

તારી એક 'ના' (Tari ek 'naa')

તારી
એક
'ના'
પર
જિંદગી ના
સમીકરણો
બદલાઈ
ગયા....!
- ને
તું કહે
છે
મારું જિંદગી નું
ગણિત
એકદમ
પાક્કું છે ...!

- નંદિની

તારી દોસ્તી નો નશો (tari dosti no nasho )

મને તો
તારી
દોસ્તી
નો-
નશો
ચડ્યો છે...
-ને
બીજા
નશા
પણ શોધે છે
સરનામું તારું...!

- નંદિની

તને જોયો આયના માં (tane joyo aaina ma)

આયના માં
જોઈ ને
જ
હરખાઈ રહી
છું.
અંદર ને -
અંદર
મહેકી
રહી છું...
શું
સાચેજ -
મેં તને
જોયો
આયના માં ...!

- નંદિની

પોલા સંબધો (pola sambandho)

પોલા સંબધો
પોલી લાગણી ઓ
પોલી છે જિંદગી...
ને જિંદગીના અબોલા
...છે પોલા......

- નંદિની

દો કદમ સાથ (do kadam sath)

દો કદમ સાથ ચાલે ઔર મંઝીલે બદલ ગઈ ...
એક ખ્વાબ થા જો હકીકત બન ગઈ....
- નંદિની

આંખો સે (ankho se)

આંખો સે શરારત કરતે હો
ઔર ગુનાહ સે ઇનકાર ભી કરતે હો
યે ઈકરાર કરતે હો , કી પ્યાર કરતે હો.

- નંદિની

ભીની રેત માં સપનાના ઘર (Bhini ret ma sapna na ghar)

લો

અમે

બનાવ્યા

ભીની રેત માં

સપનાના ઘર ...

ને

ઉપસેલા ભીના પગલાં

કોરા કાગળ પર

એ

પહેલી સાંજ

પહેલો સાથ

પહેલો પ્રેમ....

- નંદિની

મીણબત્તી ની (Minbatii ni jem)

પીગળી રહી છું મીણબત્તી ની જેમ
સળગી રહી છું ધૂપસળી ની જેમ
ક્યાંક અજવાળું ફેલાવું છું
તો
ક્યાંક સુગંધ ફેલાવું છું...
...નંદિની

વરસી લાગણી (Varsi lagni)

એણે પૂછ્યું લાગણી એટલે શું ?
ને-
નભ ઝૂક્યું
વરસી લાગણી ....

...- નંદિની

કોઈ રડે છે (Koi rade chhe)

સુખી છું સર્વ
વાતથી છતાં કેમ - ?
કોઈ રડે છે ...? !

- નંદિની

ભીની છાલક (bhini chhalak)

બળતું હૈયું
મારું ઝંખે પ્યારની
ભીની છાલક...!
...- નંદિની

પતંગિયું બની જાય (Patangiyu bani jaay)

લખવા બેસું છું તો શબ્દો ઊડી જાય છે ,
પકડવા દોડું છું તો પતંગિયું બની જાય છે...

- નંદિની

હૃદય છેદાયી ગયું (Hriday chheday gayu)

સંબધો ના નામ પર
કેવી છલના કરી ગયા
કે
આખું હૃદય છેદાયી ગયું...

- નંદિની

યાદ નો ભેજ (Yaad no bhej)

વરસાદ

તો

થંભી

ગયો..

...પણ

...યાદ

નો

ભેજ

હજીપણ

અકબંધછે...!

- નંદિની

એક સમી સાંજે (Ek sami sanje)

એક

 સમી

સાંજે

મને

એકલતા

ઘેરી

વળી ને

તારી

યાદો એ

મને

બેકલતા

બક્ષી...

- નંદિની

મને ફૂલ બનવાના કોડ (Mane phul banva na kod)

એક દિવસ

મને ફૂલ

બનવાના

કોડ થયા -  

- ને કાંટા

ઊગી નીકળ્યા...

એ કાંટાઓ

ને એકઠા

કર્યા તો

કેક્ટસ

ફ્લાવર

બની ગયા...!

- નંદિની

હું તારો પડઘો બનીશ (Hu taro padgho banis)

એણે કહ્યું

હું તારો

પડઘો બનીશ

શર્ત એટલી

- કે...

માત્ર

ને

માત્ર

તું

સાદ

પાડે તો...!

- નંદિની

ધીમે થી મારા કાન માં (Dhime thi mara kaan ma)

 ધીમે થી

મારા

કાન માં

એણે

કહ્યું -

ચાલ આપણું...

સપનાં નું ઘર

બનાવીએ....!

- નંદિની

મારુંમન હિલોળેચડ્યું (maru mann hilode chadyu)

શાંત જળ

માં

તે

નાખી

એક અટકચાળી

કાંકરીને

મારુંમન

હિલોળેચડ્યું....!

- નંદિની

સાંજ એટલે (Sanj etle)

...સાંજ એટલે પ્રિયજન ની યાદ ....!

...સાંજ એટલે એક મનગમતો એહસાસ...!

...પણ સાંજ વધુ ઉદાસીન ત્યારે લાગે કે જયારે સુર્ય ક્ષિતિજ ની પેલેપાર જતો રહે...

... કોઈનું પણ આમ ચુપચાપ ચાલ્યા જવું વધુ સાલે નઈ....!

.... ને એ અંધારા માં એક આશા ની કિરણ એટલે મારો પ્રિય ચાંદ ... !

-- નંદિની

સમજવાની શરૂઆત (samajva ni saruaat)

 સવાર એટલે નવેસર થી પ્રિયજન ને સમજવાની શરૂઆત...!

- નંદિની

વરસતા

વરસાદની

બુંદો

પર

લખ્યું...

તારું

નામ

ને

ભરતી

આવી

આંખ માં...!

- નંદિની

તારો એક જ સંગ (Taro ek sang)

ઉદાસ છે સાંજ

છલોછલ છે પ્રસંગ

ને

મિત્રોમાં

શોધું છું

તારો એક જ સંગ..

- નંદિની

તારી ખાલી જગ્યા (Tari khali jagya batavi)

એક પવનની લહેર આવી

ને તારી યાદ આપી ગઈ...

એક કોયલ નો ટહુકો

મનમાં તારા ગીત ભરી ગઈ...

એક ફુલ ની સુગંધ મનેમહેંકવી ગઈ...

પણ

બાગ માં બેઠેલું એક યુગલ

મને તારી ખાલી જગ્યા બતાવી ગઈ...!
-નંદિની

આ એજ બાંકડો છે (Aa ae j bakdo chhe)

આ એજ

બાંકડો છે...

 જ્યાં આપણે

રોજ કોલેજ માંથી

કલાસ બંક

કરી ને

ચા ની ચુસકીઓ

સાથે બેસી ને

લેતા હતા...

હવે ચા તો છે

પણ

તારો સંગાથ

નથી...!

- નંદિની

દોસ્તી ના નામે (Dosti na naame)

દોસ્તી ના નામે ભરમ પેદા કરી ગયા

 મેં હાથ મિલાવા હાથ લંબાવ્યો ને

એ આંખો થી મોઘમ ઈશારા કરી ગયા...

 - નંદિની

આ વરસાદ પણ (Aa varsad pan)a

...અચાનક જ આવ્યો

અને ભીંજવી ગયો

આ વરસાદ

પણ શું બુંદો ને

વરસતા શીખવી ગયો...!

- નંદિની

પાંખો ફૂટી મન ને (Pankho phuti mann ne)

... ક્યાંકથી

 એક

પીછું

આવ્યું ને -

પાંખો

ફૂટી

મન ને ....!

- નંદિની

ભર ઉનાળે વર્ષા(Bhar unade Varsha)

યાદો નું

સ્મરણ

જાણે કે

ભર ઉનાળે ...

વર્ષા નું

આગમન...!!

- નંદિની

Mann ne mali pankh

મન ને મળી

પાંખ

ને ઊડવા

મળ્યું આભ

ઘેલુ થઇ ને

ઉડ્યા કરે ...

 ને -

થાકશે ત્યારે

જંખે છે

તારી એક  જ ડાળ .

- નંદિની

નસીબ

આડે થી

ત્યારે

રેખા ખરી

ગઈ કે-  

જયારે

એને

મારી

હથેળી માં

એની

હસ્તરેખા

મૂકી દીધી..!

- નંદિની

તારી યાદ (Tari yaad)

દરિયા ના

મોજાં

જેવી તારી

આ

યાદ

ના જુએ ,

પૂનમ

કે

અમાસ...!!

-નંદિની